Decenas de miles de galegos ateigaron este domingo as rúas de Santiago para sair en defensa do galego e esixir que a Xunta non dé un só paso atrás na súa promoción. Pese a que as condicións meteorolóxicas non eran as mellores, e a choiva acompañou aos manifestantes durante boa parte do percorrido, persoas chegadas de toda Galicia ateigaron as rúas por onde transcorreu a manifestación, e deixaron pequena a Praza da Quintana onde se leu o manifesto en defensa da lingua. E como unha imaxe vale máis que mil palabras eiquí tedes este vídeo da Praza da Quintana no momento da lectura do manifesto coa voz de Mercedes Peón.
Suscribirse a:
Enviar comentarios (Atom)
1 comentario:
Eu estiven alí e levei os meus fillos. O vir de volta o maior que esta no instituto díxome, "Agardo que viran isto os da miña clase, e si non o viron magoa por eles, a min valeume para saber que non estamos sos, e que paga a pena nadar contra corrente". Eu boteille un sorriso polo retrovisor, apretei as mans contra o volante, e igual que estou a facer agora intentei que non se me escaparan as bagoas. Na súa clase en 3º ESO so el e outra rapaza falan habitualmente en galego.
Publicar un comentario